澳洲悉尼男按摩師小故事分享 — 獎杯女孩
- Kenneth
- Apr 1, 2024
- 6 min read
人大左，就發現獎杯係一樣好無奈既物件。
未得到手既獎杯係一樣人人都想要既野。獎杯代表住贏家既成就，名譽同地位，所以大家都會千方百計，出盡全力咁去贏得個獎杯。但係偏偏，一旦當獎杯落入左贏家既手入面，佢就係個一刻失去佢所有既價值，唔會再有其他人想爭奪一隻已經有主人既獎杯。得到獎杯既贏家亦唔會善待獎杯，好既會放佢入去櫃入面，得閒先攞出黎參觀一下。唔好既，就直接劈去屋企一個不見天日既角落入面，不見天日。然後，贏家就會將佢全副精神心機，放落追逐下一隻獎杯度。
用英文去形容一個十分優秀既男人，我地會叫佢做 alpha male。咁個啲好靚，好有氣質，追求者條人龍長到見唔到尾既女仔呢？好不幸地，我地會叫佢做 trophy girl，直譯成中文就係獎杯女孩，彷彿就係預告呢類女生會經歷一個做人如做獎杯既命運。呢個係關於一位 trophy girl 既故事。
客人 L 相約我上去佢位於東區半山既屋企去幫佢按摩。其實係見面之前，我已經隱約感覺到 L 會係一個靚女，個份自信同爽直，係要自身條件好好既女仔先會散發出來。約好 L 在樓下見面，迎面見到一個著住 t shirt 牛仔短褲，充滿少女味既女仔向我揮手。雖然戴住左口罩，但係一雙會說話既大眼睛，加上比例好看既身型，我就知道佢就係我今日既客人 L 了，我既直覺果然無錯。
進入 L 既屋企，穿過玄關，進入眼簾既就係寬敞既飯廳同客廳。陽光係左邊既窗戶穿射進屋，透過窗戶，可以遠眺海港，醉人景色盡在腳下。地方雖然大，但係一切井然有序，白色既牆身沒有多餘既裝飾， 餐桌執拾整潔，一束盛放中既鮮花供放係花瓶之中，感覺簡單舒服而不簡陋。屋主一定係一個愛整潔，而且對居住環境有品味有要求既人。L 先示意我坐一陣，佢要入去沖一沖涼先。我回覆無問題，放下背囊，不客氣咁參觀左一陣佢既飯廳。行到電視櫃前，留意到幾張兩人去旅行時影既合照，右下角印住既日期已經係五年前。相入面既 L 笑得好靚好開心，而 L 攬住個位才俊，應該就係老公了。正當我睇得入神之際，L 包住毛布行出黎，示意我可以入睡房，幫佢按摩了。
係按摩既途中，同 L 傾起佢既日常生活。原來 L 幾年前結婚，之後就辭去工作，係一位全職少奶奶。
“你身邊朋友一定好羨慕你，可以做幸福少奶奶。” 我一邊按，一邊同 L 講。
“哈哈，其實少奶奶既生活唔係你想像中咁美好。我每日既生活其實好悶，除左食飯之外，就係諗下去邊度做 facial，整指甲，做下 gym yoga。但係其實扮靚都佔唔到好多時間，行街我又麻麻，我係一個好低調簡單既人，手袋有一個就夠。其他時間，老公又返左公司，成日都剩低我一個人係屋企。”
做按摩師其中一個最大既福利，就係可以觸摸到客人既肌膚。我用心觀察一下 L 既身體，果然係每天都養尊處優，花 100% 時間心機去保養扮靚既產物。每一吋肌膚都吹彈可破，女人應該瘦既地方，L 都保持得又幼又瘦，而應該要豐滿既地方，就圓潤豐滿。加上 L 漂亮既臉蛋，L 係名符其實既 trophy girl，任何一個男人拖住 L 出街或者出席飯局，都會好似攞住個獎杯做勝利巡遊咁，吸引其他雄性動物羨慕既目光同讚嘆。
“你老公assign 俾你既工作就係扮靚，而你做得非常出色。我係你老公的話，拖你出街一定會好 proud。”
“係咩，我覺得我自己好普通，靚女真係大把啦。未結婚之前，係的確唔少人追既，但係其實我同而家老公一齊左之後，我就好避忌，唔會同其他男仔接觸或者傾計，我唔鐘意收兵或者俾錯誤訊息其他人。另外，我老公都唔鐘意我有任何男性朋友，連我覆一個 msg 都會問我一大輪。”
“都啱既，有你老公愛錫你就夠啦。”
L 聽完呢句之後，靜默左數秒。雖然 L 扒係張床背住我，我都感受到佢苦笑左一下。
“結婚前就係既，佢追我同拍拖個陣真係好錫好錫我，我個陣會覺得，除左我 daddy 之外，無一個男人會好似佢咁錫我。但係我萬萬諗唔到，結左婚之後，佢會好似變左完全另一個人咁。”
原來同 L 結左婚之後，老公就好似完成左任務咁，慢慢對 L 失去興趣，變得好冷淡。老公一方面會限制住 L，希望 L 淨係留係屋企或者最多落去 City 行個圈，去食個 high tea，然後就返屋企。但係另一方面，自己就成日公司有應酬或者要加班，連晚飯都唔返屋企食，好夜先返到去。就算有一晚係留係屋企，都係只會坐係梳化度，睇下波子或者林寶有無新車可以買，幾時會有車聚可以出去，唔洗再留係屋企。L 就好似一隻被囚禁住既漂亮獎盃，雖然每日扮靚，但係無人會留意到，接觸到佢。
“我覺得自己結左婚個一刻起，就好似無左個老公咁。如果我早知係咁，我一定唔會咁㨂。但係你叫我而家離開佢，我又下唔到決心，亦面對唔到其他人既目光同期待。個個都會話佢咁錫你，你好幸福。但係我每晚自己一個瞓係一張雙人床，喊到眼都腫曬，係無人會知。”
以 L 既條件，佢絕對 deserve 一個更加快樂精彩既人生。但係有時女孩子就係要係佢二十幾歲，仲係年少無知，懵懂既時候，作出會影響佢一生既決定。而女孩子一旦做左錯既決定，要背負既社會伽鎖同代價，亦比男性高。畢竟時間係站係男性既一方，隨住年紀增長，女性能夠移動既本錢就越黎越少。
同 L 既按摩，一如其他客人，60 分鐘後就愉快地結束。臨走既時候，我特意俾多一個大擁抱俾 L，因為我知道係 L 既境況，其實無咩實質既東西可以幫到佢。一個溫暖既擁抱，勝過千言萬語。返到屋企，收到 L 既訊息。“你按得好舒服，thank you。無諗到本身純粹想試下男按摩師，變左同你講自己既故事。” 面對住 L，我亦都無咩特別可以講了，就回覆返 L 最近我好喜歡既一隻歌 — 洪嘉豪的<我懂>，以表示對佢既同情同一絲支援。
分享就黎到呢度，希望通過故事會令你對我工作多一點認識。如果你有興趣搵我按摩，不妨去 ig dm 我或者去我網頁登記，多謝﹗
— — — — — — — — — —
澳洲悉尼男按摩師 — Kenneth
Linktree: https://linktr.ee/lady.massage.sydney
按摩, 足底按摩, 中式按摩, 泰式按摩, 穴位按摩, 日式按摩, 瑞典式按摩, 港式按摩 …
由經驗男按摩技師師誠為各界女仕提供（上門／酒店）全身按摩推油服務
專業上門按摩( massage ), 保健, 推油,( oil massage ) 技術及多年經驗心得.全日24小時服務. 誠意為各界女性,服務, 全身穴位按摩推拿治療, 保證妳全身每一個穴位,都得到最舒服享受感覺, 舒筋活胳, 舒緩疲勞.
按摩及推油好處: 保健, 瘦身, 修腰, 修腹, 瘦腿, 豐胸, 美顏, 減壓, 失眠, 血液循環功效。按摩及推脂, 穴位淋巴引流, 排毒及去水腫, 做到修身 keep fit 一舉兩得.
Comments